Resep-video: Biltong-en-roombroodjie

Biltong-en-roombroodjie (Foto: Elsabé Erasmus/Maroela Media)

Dié broodjie met ʼn biltong-en-roomvulsel is vreeslik lekker as hy warm uit die oond kom, veral saam met braaivleis. Dit word boonop sommer vinnig met gekoopte winkeldeeg gemaak.

Bestanddele

• 1 sakkie winkeldeeg
• 2 pakkies Potato Bake
• 1 k biltongpoeier
• 250 ml room
• 250 ml melk
• 1 k gekerfde biltong
• 1 k cheddarkaas, gerasper

Metode

1. Voorverhit die oond tot 180 °C.
2. Rol die deeg in balletjies en plaas in ʼn oondbak.
3. Meng die Potato Bake, biltongpoeier, room en melk saam en gooi dit oor die deegballetjies.
4. Sprinkel die gekerfde biltong en cheddarkaas bo-oor.
5. Bak in die oond vir sowat 30-40 minute by 180 °C.