Hou die koekblikke hierdie Desember vol met dié heerlike klapperkoekieresep. Dit smaak vorentoe saam met boeretroos of selfs ʼn lekker koppie tee.
Lewer ongeveer een dosyn koekies
Bestanddele
- 180 g sagte botter
- 125 ml strooisuiker
- 1 groot eier
- 5 ml vanieljegeursel
- 2 ml amandelgeursel
- 480 ml bruismeel
- 125 ml fyn klapper
- rooi en groen glanskersies, opgesny
Metode
- Voorverhit die oond tot op 180 °C.
- Spuit ʼn bakplaat met kleefwerende kossproei.
- Verroom die botter en suiker tot romerig.
- Voeg die eier, vanielje- en amandelgeursel by en klits weer.
- Voeg die meel en klapper by en meng tot ʼn gladde deeg vorm.
- Rol die deeg in balletjies en druk effens plat met ʼn vurk op die voorbereide bakplaat.
- Versier met die glanskersies.
- Bak vir ongeveer 10-12 minute tot ligbruin.
- Laat die bakplaat afkoel voordat jy die koekies verwyder sodat dit nie breek nie.