Soorte resepte:

Resep-video: Oreo-bruintjies

Oreo-bruintjies (Foto: Janie Monsieur/Maroela Media)

Die perfekte naweek-bederf.

Lewer sowat 15 bruintjies

Bestanddele

  • 1 k botter, gesmelt
  • 2 k suiker
  • ½ k kakao
  • 1 t vanielje
  • 4 eiers
  • 1 ½ k koekmeel
  • ½ t bakpoeier
  • ½ t sout
  • 2 pakke Oreo-koekies

Metode

  1. Meng die botter, suiker, kakao en vanielje saam tot glad.
  2. Meng nou die eiers een vir een by.
  3. Roer die koekmeel, bakpoeier en sout by tot alles goed gemeng is.
  4. Giet die helfte van die beslag in ʼn pan en pak heel Oreo-koekies bo-op. Hou ʼn paar koekies oor om bo-oor te breek.
  5. Skep nou die orige beslag oor en maak gelyk bo-op. Sprinkel ekstra gebreekte Oreo-koekies oor.
  6. Bak vir 30-35 minute teen 180 ° Laat die bruintjies afkoel voordat jy dit sny.

Resep: Janie Monsieur

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.