Hierdie koek lyk sommer of hy gereed is vir ʼn heerlike teepartytjie.
Bestanddele
- 375 ml suiker
- 250 ml kookolie
- 4 eiers
- 500 ml wortels, fyngerasper
- 500 ml koekmeel
- 10 ml koeksoda
- 10 ml kaneel
- 5 ml sout
VERSIERSEL
- 125 g geroomde maaskaas of roomkaas
- 125 g sagte botter
- 500 ml versiersuiker, gesif
Metode
- Klits die suiker en olie saam tot die suiker gesmelt het. Klits die eiers by. Voeg die wortels by.
- Sif die droë bestanddele saam en voeg dit geleidelik by.
- Skep die beslag in twee gesmeerde koekpanne van 20 cm in deursnee, wat met was- of bakpapier uitgevoer is.
- Bak dit 40 minute lank teen 180 °C. Laat die koek 10 minute lank in die panne afkoel en keer dit op afkoelrakkies uit.
- VERSIERSEL: Klits al die bestanddele saam en smeer dit tussen die koeklae en bo-op.
Bron: 50 Boerekos-geregte
Uitgewer: Lapa
My gunsteling gunsteling!
Nou wat het van die neute geword?
Definitief my koek-gunsteling! Yum!
En d neute?sal dt nogsteeds probeer sal maar die neute op my manier byvoeg