ʼn Ryp brie, camembert, ʼn stukkie bokmelkkaas en romerige wit bloukaas – as kaas iets is wat jou mond laat water, moet jy beslis ʼn draai by die Suid-Afrikaanse Kaasfees gaan maak. Smulpape en kaasliefhebbers kan dit groot inskryf in hul dagboek, want die fees, nou al in sy veertiende jaar, word hierdie naweek by Sandringham net buite Stellenbosch aangebied.
Esté Meyer Jansen het met Porchia Adams, bemarkings-en-kommunikasiebestuurder van die fees, in Sandringham gesels om vas te stel wat maak die fees so besonders en wat besef Suid-Afrikaners nie aldag oor ons kaassoorte nie.