[Resep] Dadelbrood

Dadelbrood (Foto: Marilyn kuier en kook, Lapa-uitgewers)

Eet hierdie broodjie warm uit die oond saam met kaas of konfyt. Selfs die kleinspan sal daaraan smul!

Bestanddele:

  • 5 ml koeksoda
  • 200g ontpitte dadels, in stukkies gesny
  • 250 ml kookwater
  • 200 ml botter of margarien
  • 200 ml suiker
  • 3 groot eiers, geklits
  • 5 ml amandelgeursel
  • 10 ml bakpoeier
  • 750 ml koekmeel
  • 2 ml sout

Metode:

  1. Voorverhit die oond tot 180 °C en smeer ʼn groot broodpan of twee klein broodpannetjies.
  2. Strooi die koeksoda oor die dadels en giet die kookwater oor. Hou eenkant en laat afkoel.
  3. Room die botter en suiker tot lig en donsig. Klits die eiers en geursel by.
  4. Voeg die afgekoelde dadels by en meng dit deur.
  5. Sif die droë bestanddele en voeg dit by die dadelmengsel. Meng goed.
  6. Skep in voorbereide broodpan en bak vir ongeveer 45-60 min.

 

Bron: Marilyn kuier en kook

Uitgewer: Lapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

1 Kommentaar

jongste oudste gewildste
Jana

Dadelbrood klink heerlik!