Soorte resepte:

Resep: Frikkadelle met spinasie-en-tamatiesous

Frikkadelle met spinasie-en-tamatiesous (foto: verskaf)

Met hierdie resep hoef jy nie verder te soek vir jou volgende maaltyd nie.

Lewer 5 porsies

Bestanddele

  • 400 g maer beesmaalvleis of gemaalde volstruis- of hoendervleis
  • 2 snye dag oue bruinbrood, gekrummel (90 g)
  • 1 klein wortel, geskraap en fyngerasper (50 g)
  • 1 middelslag ui, geskil en gekap (100 g) – 50 g vir frikkadelle en 50 g vir sous
  • 2 knoffelhuisies, gekap – 1 huisie vir frikkadelle en ander vir sous
  • 2,5 ml sout
  • 1,25 ml gerasperde neutmuskaat
  • 1 ekstragroot eier, liggies geklits (60 g)
  • 20 ml Worcestersous
  • 20 ml tamatiesous
  • 200 g eiervrug, met skil in blokkies gesny, 15 min in soutwater geweek
  • 15 ml kanola- of olyfolie
  • 300 g vars jong of gewone spinasie, harde wit stingels uitgesny en blare fyngesny
  • 400 g-blik geskilde heel tamaties in tamatiesap, fyngekap
  • 1,25 ml sout en varsgemaalde swartpeper na smaak

Metode

  1. Meng die maalvleis, broodkrummels, wortel, 50 g ui, knoffelhuisie, sout, neutmuskaat, eier, Worcester- en tamatiesous. Rol 10 x ± 65 g-porsies vleismengsel in stewige frikkadelle. Rangskik dit in ’n enkel laag in ’n braaipan. Voeg 100 ml kookwater by en prut 15 tot 20 minute tot gaar.
  2. Dreineer die eiervrug, spoel af met skoon water, dreineer weer en druk droog. Verhit die olie en roerbraai 50 g ui, die knoffelhuisie en eiervrug tot sag en gaar. Roer die spinasie by en verhit totdat die blare verwelk is. Voeg die tamatiesous en -sap by en prut 10 tot 15 minute. Geur die sous, draai die frikkadelle om en skep die sous oor. Prut dit vir 5 tot 10 minute.
  3. Bedien met pasta, kapokaartappels of mieliepap.

Bron: Veselryk
Uitgewer: Lapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.