Maaskaas-wafels. (Foto: Rediscover Dairy/verskaf)
Bederf jou gesin met smullekker wafels.
Bestanddele
- koppielaevet maaskaas (jy kan ook volroom of vetvrye, gladde maaskaas gebruik)
- 4groot eiers
- 10 e hawermoutmeel (85 g)
- 4 e gemaalde vlasaad of vlasaadmeel (flaxseed)
- 4 e gekapte grasuie (opsioneel)
- ¼ t sout
- ¼ t bakpoeier
- ¼ t gemaalde swartpeper
- 80 g gerasperde mozzarella- of cheddarkaas (opsioneel) – ongeveer 10 g per wafel
Metode
- Plaas al die bestanddele behalwe die kaas in ʼn bak en klits tot goed gemeng. Laat staan vir 5 tot 10 minute om effens te verdik en dat die vog deur die hawermoutmeel geabsorbeer word.
- Verhit ʼn kleefvrye wafelpan tot warm en gereed vir bak. Spuit liggies met kooksproei of gebruik bietjie olie indien nodig. As die wafelpan egter kleefvry is, benodig dit geen olie nie.
- Sprinkel ʼn bietjie kaas liggies op die basis van die wafelpan wat jy gebruik en skep dan ongeveer ¼ koppie beslag op die pan. Die hoeveelheid sal wissel na gelang van die grootte van jou wafelmaker. Sprinkel nog ʼn bietjie kaas oor die beslag, maak die wafelpan toe en bak tot goudbruin aan albei kante.
- Skep die wafel uit op ʼn opdienbord en bedien met ʼn gebakte eier, roomkaas, avokadopeer en salm.
Bron: Rediscover Dairy
Lekker.