Resep: Pikante sitrus-hoendervlerksosaties

Pikante sitrus-hoendervlerksosaties. (Foto: Lapa Uitgewers)

Kikker jou aandete met dié pikante hoendersosaties op.

Lewer 4-6 porsies

Bestanddele

Marinade

• 125 ml lemoensap
• 50 ml suurlemoensap
• 30 ml heuning
• 30 ml olyfolie
• 10-15 ml brandrissiepoeier
• 5 ml knoffelsout
• 5 ml paprika
• Varsgemaalde swartpeper na smaak
• 2 knoffelhuisies, fyngekap

Sosaties

• 18 hoendervlerkies, in die helfte gesny
• 6 sosatiestokkies, vir 1 uur in water geweek

Metode

Marinade

1. Meng die lemoensap, suurlemoensap, heuning, olie, brandrissiepoeier, knoffelsout, paprika en peper saam.

Sosaties

2. Rangskik die hoendervlerkies in ‘n groot, vlak bakskottel en giet die marinade oor. Laat die vlerkies vir minstens 5 uur in die marinade rus.
3. Ryg die vlerkies op die sosatiestokkies en braai dit vir 15-20 minute oor matige kole terwyl jy dit gereeld draai.

Bron: Sosaties
Uitgewer: Lapa