Resep: Snoektert

Snoektert (Foto: Lapa Uitgewers)

Maak asof jy met vakansie by die see is en bak hierdie heerlike snoektert.

Bestanddele

Kaaskors

• 250 g koue botter, gerasper
• 250 ml koekmeel
• 5 ml sout
• 250 ml gerasperde cheddarkaas

Vulsel

• 25 ml gerasperde ui
• 25 ml botter
• 100 ml koekmeel
• 100 ml botter
• 1 liter (4 x 250 ml) melk
• 10 ml mosterdpoeier
• 1,5 ml rooipeper
• sout en peper na smaak
• 250 ml gerasperde kaas
• 3 eiers, geklits
• 500 ml gevlokte snoek
• 30 ml gekapte pietersielie
• Paprika

Metode

Kors

1. Vryf die botter met die vingerpunte in die meel.
2. Voeg die sout en gerasperde kaas by en meng liggies.
3. Bedek die bodem en kante van ʼn gesmeerde, oondvaste tertbak met die mengsel, maar moet dit nie vasdruk nie. Hou ’n bietjie van die mengsel om bo-op die vulsel te strooi.

Vulsel

1. Braai die ui in 25 ml van die botter.
2. Roer die meel en 100 ml botter by. Voeg die melk geleidelik by en laat dit ongeveer 2 minute lank prut.
3. Voeg die geurmiddels, kaas, eiers en vis by. Skep dit in die tertbak en strooi die res van die korsbestanddele oor. Strooi die pietersielie en paprika oor.
4. Bak die tert ʼn uur lank teen 180 °C.

Bron: 50 Boerekosgeregte
Uitgewer: Lapa