Soorte resepte:

Resep: Suri se warm rysslaai

Argieffoto

Argieffoto

Hierdie is my dogter Surette se rysgereg. – Tannie Poppie

“Ma het my hierdie gereg leer maak en dit is my pa Jan se gunsteling. Wanneer hulle kom kuier moet ek hoor: ‘Maak asseblief jou warm rysslaai.’ Hierdie is opgedra aan pa Jan.” – Surette

Bestanddele:
500 ml rys
1 pak (250 g) spekvleis, fyngekap
2 uie, fyngekap
1 groon, geel of rooi soetrissie, fyngekap
1 houer (250 g) sampioene, fyngekap
2 tamaties, fyngekap
sonneblomolie vir braai

Metode:
1. Kook die rys gewoonweg tot gaar.
2. Braai die spekvleis tot gaar.
3. Braai die uie, soetrissie, sampioene en tamaties in die olie tot gaar.
4. Meng die rys, spekvleis en sampioenmengsel.

Tannie Poppie sê:
Sit dit warm voor as bykos of as ‘n warm slaai. Dis heerlik die volgende dag… warm dit net weer op.

Die resep is oorspronklik gepubliseer in die resepteboek, Tannie Poppie kook
Uitgewer: Human & Rousseau
Prys: R220-00*
*Prys onderhewig aan verandering

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.