Soorte resepte:

Resep: Wildsvleispastei

Wildsvleispastei (Foto: Lapa Uitgewers)

Beproef gerus hierdie smullekker en eenvoudige wildspastei-resep.

Lewer 4 porsies.

Bestanddele

Kors

  • 400 g (1 rol) gekoopte skilferkosdeeg
  • 1 eier
  • Bietjie Clover-volroommelk

Vulsel

  • 125 ml (½ k) rooiwyn
  • 125 ml (½ k) Clover-karringmelk
  • 1,2 kg wildsvleis, in blokkies gesny
  • Clover Mooi River-botter
  • 2 uie gekap
  • 200 g (1 pakkie) spek, gekap
  • 500 ml (2 k) beesvleisaftreksel
  • 125 ml (½ k) rooiwyn
  • 2,5 ml (½ t) gedroogde tiemie
  • Sout en peper na smaak
  • 4 wortels, in dik wieletjies gesny

Metode

  1. Meng 125 ml (½ k) rooiwyn en die karringmelk en gooi dit oor die vleis.
  2. Marineer dit oornag.
  3. Smelt genoeg botter in ’n groot swaarboomkastrol en braai die uie. Voeg die spek by en braai tot gaar. Skep alles uit.
  4. Smelt nog botter in die kastrol en braai die vleis in sarsies tot bruin. Skep die uiemengsel saam met die vleis terug in die kastrol.
  5. Voeg die aftreksel, rooiwyn, tiemie, sout en peper na smaak by. Verhit dit tot kookpunt, verlaag die temperatuur en laat dit 2 uur lank prut tot amper sag.
  6. Voeg die wortels by en laat prut nog 45 minute of tot die wortels amper sag is.
  7. Voorverhit intussen die oond tot 200 °C en smeer ’n groot genoeg oondvaste bak met botter. Skep die vleismengsel in die voorbereide bak.
  8. Plaas die skilferkorsdeeg bo-oor die vleis en druk dit op die rand van die bak vas. Sny die oortollige deeg af.
  9. Klits die eier en melk saam en verf die mengsel bo-oor die pasteikors.
  10. Bak dit 20 minute lank. Stel die temperatuur af na 180 °C en bak dit nog 15 minute lank of tot liggoudbruin bo-op.

Bron: Gunsteling Suid-Afrikaanse Kos
Uitgewer: Lapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

3 Kommentare

jongste oudste gewildste
Racheltjie Debeer

Uhm, die kors bestandele klink nie lekker nie! Ek dink iemand het deurmekaar geraak iewers.