Resep: Banananoffies

Banananoffies (Foto: Lapa-uitgewers)

ʼn Heerlike somer-bederfie langs die swembad.

Bestanddele

• 2 piesangs, in dun skyfies gesny
• 1 e gerasperde suurlemoenskil
• 400 ml room, styfgeklop
• 200 g karamel
• 50 g geroosterde haselneute
• ʼn knippie sout

Metode

1. Rooster die neute saam met ʼn bietjie sout in ʼn pannetjie tot goudbruin. Wanneer dit afgekoel is, plaas dit in ʼn Ziplock-sakkie en maak fyn met ʼn koekroller.
2. Vou die karamel en room saam.
3. Voeg die suurlemoenskil by die piesang en meng versigtig sodat die skyfies hul vorm behou.
4. Skep ʼn lagie van die piesangs in poedingbakkies. Daarna ʼn lagie van die geroosterde neute. Volg dit op met die room-en-karamel mengsel. Skep laastens ʼn groot lepel vol wit room bo-op en versier met ʼn skyfie gedroogte piesang.

Resep: Sjef Snoekie laat die potte sing

Uitgewer: Lapa