Beïndruk jou kuiergaste met hierdie gemmerrolletjies.
Lewer 16 rolletjies
Bestanddele
- 125 ml gouestroop
- 125 g botter
- 125 ml koekmeel
- 15 ml fyn kaneel
- 2,5 ml fyn gemmer
Roomvulsel
- 500 ml room
- 30 ml versiersuiker, gesif
- 2,5 ml vanieljegeursel
Metode
- Voorverhit die oond tot 180 °C en voer ’n bakplaat met bakpapier.
- Verhit die gouestroop oor lae hitte. Voeg die botter by en laat dit smelt.
- Sif die koekmeel, kaneel en gemmer saam en roer by die stroopmengsel.
- Skep eetlepels vol van die beslag op die bakplaat.
- Smeer die beslag met die agterkant van ’n eetlepel tot sirkels van ongeveer 8 cm in deursnee. Laat genoeg ruimte tussen elke sirkel omdat dit redelik uitsit terwyl dit bak.
- Bak vir 5 tot 7 minute of tot goudbruin en borreltjies vorm.
- Laat net effens op die bakplaat afkoel en lig dan met ’n slaplemmes op en draai om ’n houtlepel se steel. Dit raak vinnig hard, so werk dus vinnig voordat dit verhard.
- Laat die gemmerrolletjies goed afkoel en plaas in ’n lugdigte houer.
- Rolletjies kan reeds twee dae voor die tyd gemaak word.
- Roomvulsel: Klits die room saam met die versiersuiker en vanieljegeursel tot net styf.
- Spuit die room net voor bediening in die afgekoelde gemmerrolletjies.
Bron: Teetydlekkernye
Uitgewer: Lapa
My favourite, met ‘n bietjie karamelkondensmelk in gespuit….yummm
Kan iemand asb vir my se of dit ook sal werk as ek die gouestroop met heuning vervang?