Resep: Japtrap-klapperys

Japtrap-klapperys. (Foto: Lapa Uitgewers)

Moenie verder as dié resep vir jou volgende lekkerny soek nie.

Lewer 24 porsies

Bestanddele

• 385 g (1 blik) kondensmelk
• 500 g (1 pakkie) versiersuiker
• 400 g (2 pakkies) fyn klapper
• 2 ml pienk voedselkleursel

Metode

1. Meng al die bestanddele vir die klapperys, behalwe die voedselkleursel, goed.
2. Verdeel die mengsel in twee en meng ’n paar druppels voedselkleursel by die een helfte. Meng baie goed totdat die kleur egalig is.
3. Druk die wit helfte van die mengsel goed vas in ’n gesmeerde vierkantige bak.
4. Druk die gekleurde helfte van die klapperys bo-op vas en verkoel ± 30 minute.
5. Sny die klapperys in blokkies en lig versigtig uit die bak.

Bron: Lekkers
Uitgewer: Lapa