[Resep] Kontinentale vingers

Kontinentale vingers (Foto: 101 Kleinkoekies, Lapa-uitgewers.)

Sit dié koekies voor saam met ʼn lekker koppie tee.

Lewer 20 koekies

Bestanddele:

  • 225 ml botter
  • 60 ml strooisuiker
  • 5 ml vanieljegeursel
  • 250 ml koekmeelblom
  • 125 ml mielieblom
  • 40 g donker sjokolade, gesmelt
  • 40 g wit sjokolade, gesmelt

Metode:

  1. Voorverhit die oond tot 180 ˚C.
  2. Klop die botter en suiker saam tot lig en romerig.
  3. Voeg vanieljegeursel by en meng goed.
  4. Sif die meel en mielieblom saam en voeg by. Meng tot ʼn sagte deeg.
  5. Skep dit uit in ʼn spuitsak met ʼn 1 cm-spuit en spuit 8 cm-lengtes op ʼn gesmeerde bakplaat.
  6. Bak vir 15 minute of tot verkleur. Laat afkoel.
  7. Spuit fyn strepies van die donker sjokolade in ʼn sigsagpatroon bo-oor en laat stol. Herhaal met die wit sjokolade.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

4 Kommentare

jongste oudste gewildste
Bottervinger

225ml botter. Noem dit eerder bottervingers met al daai botter.

Nog steeds 'n treffer

Kontinentale vingers, botter vingers = treffer. Maak nie saak wat jy dit noem nie, maar dit bly nogsteeds ‘n treffer. Die gewildste van alle koekies.

Yummy!!!!

Ai tog……daar moet altyd iemand wees wat met iets fout soek of onnodige kommentaar moet lewer. Dankie Maroela Media vir ‘n gratis nuusblad en nog heerlike en gratis resepte daarby!!!!!

JJ

ai daar gaan die diet weer – maar moenie worry nie ons sal volgende jaar weer probeer