Maroela Media-leser Elbie Richter stuur hierdie resep vanaf Ierland in.
“Ek moes nuwe ‘familie’ vind hier in Ierland. Net so my nuutgevonde vriendin vanaf Letland. Sy het haar familieresep met my gedeel. Ek het die tahini en Brasiliaanse neute vervang met grondboontjies en grondboontjiebotter. My kinders geniet dit veel meer so!” skryf sy.
Bestanddele
- ½ k grondboontjiebotter (of tahini)
- ½ k heuning (of stroop)
- ⅓ k kakaopoeier
- 300 g gekapte grondboontjies (of neute)
Opsioneel:
- klapper
- sesamsaadjies
Metode
- Meng bestanddele en rol in balletjies. Berg in yskas.
- Opsioneel: Rol in klapper en sommige in geroosterde sesamsaadjies.