Stroopsoet en maklik om in die mikrogolf te maak.
Lewer 25 blokkies
Bestanddele
- 1 x 385 g blik kondensmelk
- 500 ml (420 g) strooisuiker
- 20 ml margarien
- 15 ml (1 e) bruinasyn
- 15 ml (1 e) vanieljegeursel
Metode
Gebruik ʼn mikrogolfbestande bak met ʼn inhoudsmaat van minstens 3 liter. Die mengsel borrel en kan oorkook tydens die kookproses – kies dus eerder ʼn te groot as te klein houer.
- Plaas die kondensmelk, strooisuiker en margarien in die bak en mikrogolf dit 1 minuut lank op hoog. Roer.
- Mikrogolf 6 minute en roer elke 2 minute. Roer na 6 minute die asyn en geursel by.
- Mikrogolf nog 2 minute op hoog en klop dan totdat die mengsel begin verdik.
- Gooi dit gou uit in ʼn gesmeerde 20 x 20 cm-pan. Laat dit stol en sny dit in blokkies van ongeveer 4 x 4 cm.
Bron: Uitpakkos deur Hilda Lategan
Uitgewer: Lapa
ek gaan dit beslis probeer. klink maklik genoeg vir my. vorige keer dat ek dit try maak het, het mooi geflop
As die werk gee ek julle beslis 10/10 het al ALLES probeer my fudge kom nooit reg uit nie – dankie vir die deel