Jy kan hierdie resep gebruik vir ʼn heerlike selfdoenpoeding óf ʼn sjokoladesous saam met roomys.
Genoeg vir 8-10 mense
Bestanddele
- 1 k (250 ml) laevetmelk
- 80 g donkersjokolade, in stukkies gebreek
- 2 e suiker
- 1 e mielieblom
- 1 e kakao
- ¼ e kaneel
- 1 e vanieljegeursel
- 2 klein vrugtestokkies per persoon, voorberei met vrugte soos appel, aarbei, piesang, peer en papaja
- 12-18 malvalekkers, oor die kole gebraai
- 12-18 Mariebeskuitjies
Metode
- Verhit melk, sjokolade en suiker in ʼn klein pot oor lae hitte. Roer aanhoudend tot die sjokolade gesmelt het en suiker opgelos is.
- Meng mielieblom, kakao en kaneel met 2 eetlepels water om ʼn gladde pasta sonder klonte te vorm.
- Meng ʼn bietjie van die warm melkmengsel by die pasta en meng goed. Meng dit terug in by die res van die melkmengsel.
- Roer aanhoudend oor medium hitte vir 8-10 minute of tot dit effens verdik het. Verwyder van hitte en roer vanielje in. Skep in ʼn warm bak en dien op.
- Doop vrugte en ander bestanddele in die warm sjokoladesous.
Wenke:
- Die sous sal dikker word soos dit afkoel. Indien dit te dik word, roer ʼn eetlepel kookwater in om dit weer te verdun.
- Die sjokoladesous kan ook saam met roomys voorgesit word. Gebruik hiervoor 2 eetlepels mielieblom en berei voor soos hier bo.
Bron: Pharma Dynamics se Cooking from the Heart deur Heleen Meyer