Suurlemoen-meringuetert (Foto: Lapa Uitgewers)
Wat kan nou lekkerder wees as ʼn tuisgemaakte suurlemoen-meringuetert?
Lewer 1 groot tert
Bestanddele:
KORS
- 400 g (200 g x 2 pakkies) Tennisbeskuitjies
- 150 g Clover Mooi River-botter, gesmelt
VULSEL
- 770 g (385 g x 2 blikke) Clover-kondensmelk
- 250 ml (1 k) suurlemoensap
- 6 ekstragroot eiers, geskei
BOLAAG
- 6 ekstragroot eierwitte
- 375 ml (1½ k) strooisuiker
- knippie sout
Metode:
- Voorverhit die oond tot 180 °C.
KORS:
- Kap die Tennisbeskuitjies in die voedselverwerker tot fyn. Voeg genoeg gesmelte botter by om die beskuitjies aanmekaar te laat kleef.
- Druk die koekiekrummels op die bodem en langs die kante van ʼn losboomkoekpan met ʼn deursnee van 22 cm.
VULSEL
- Meng die kondensmelk en suurlemoensap in ʼn mengbak.
- Klits die eiergele tot gemeng met ʼn vurk en roer by die kondensmelkmengsel tot goed gemeng.
- Giet dit in die tertkors en bak vir 15 minute. Haal uit die oond.
BOLAAG
- Klits die eierwitte tot styf. Voeg die strooisuiker bietjie vir bietjie by asook die sout terwyl aanhoudend geklits word tot glansend en styf.
- Skep die meringue bo-op die vulsel en vorm punte.
- Bak weer vir 20 tot 25 minute tot ʼn ligte goudbruinkleur bo-op verkry is.
- Laat afkoel en sit voor.
Bron: Onthoukos
Uitgewer: Lapa
Ek is mal oor die ding. Dis eintlik effe TE soet, maar mens kan mos maar een blikkie vervang met ingedampte melk of iets. Of net minder op ‘n slag (probeer) eet. Ek vat gewoonlik ‘n beker bitter koffie saam.
Vat dit nou maar van ‘n diabeet, niks is ooit te soet nie.
te soet of te soet
mmmmmmmmmmm