Resep-video: Gebakte jogurttert

Gebakte jogurttert (Foto: Janie Monsieur/Maroela Media)

Hierdie is die maklikste tert wat jy nóg gemaak het!
Lewer 1 tert

Bestanddele

• 1 pak Tennis-beskuitjies, fyngemaak
• 100 g botter of margarien, gesmelt
• 500 ml jogurt van jou keuse (ons het grenadella gebruik)
• 1 blik kondensmelk
• ekstra vrugte, konfyt of pulp van jou keuse (opsioneel)

Metode

1. Voorverhit jou oond tot 180 °
2. Meng die Tennis-beskuitjies en botter en druk dit onder aan die tertbord vas om ʼn kors te vorm.
3. Meng die jogurt en kondensmelk goed saam en giet dit in die voorbereide kors. Maak dit glad bo-op met die agter kant van ʼn lepel.
4. Bak vir 20 minute teen 180 °
5. Versier met ekstra vrugte of konfyt of pulp (opsioneel).