Resep-video: Milo-yskastert

Milo-yskastert (Foto: Janie Monsieur/Maroela Media)

Die maklikste bederf vir die naweek!

Genoeg vir 8-10 porsies

Bestanddele

• 500 ml room
• 1 blik karamelkondensmelk
• 7 e Milo-poeier
• 1 pak Tennisbeskuitjies

Milo-yskastert (Foto: Janie Monsieur/Maroela Media)

Metode

1. Klits room styf en vou karamelkondensmelk daarby in.
2. Skep Milo in en vou goed deur.
3. Pak Tennisbeskuitjies in ʼn groot tertbak om as kors te dien. Skep nou versigtig die room-mengsel oor sodat dit nie die koekies skuif nie. Maak glad bo-op met die agterkant van ʼn lepel.
4. Verkoel in vrieskas vir twee uur of laat stol oornag in die yskas. Sny in blokke en geniet!

Resep: Janie Monsieur