Maak jou eie sagte, bonkige en heerlike sjokolade-fudge-blokkies gevul met klein jellie-eiers in sjokolade en malvalekkers.
Bestanddele
- 1 k botter, gesmelt
- 2 k versiersuiker
- ½ k kakao
- 2 t kitskoffie, opgelos in 15 ml water
- 2 eiers
- 2 pakke Mariebeskuitjies, opgebreek
- 1 k klein malvalekkers
- 125 g Speckled Eggs
Metode
- Sif die versiersuiker en kakao saam.
- Voeg die kitskoffie, botter en eiers by en meng goed.
- Meng die Mariebeskuitjies by die mengsel.
- Voeg die malvalekkers en sowat ¾ van die Speckled Eggs by en meng alles goed.
- Skep die mengsel in ʼn bak wat met waspapier uitgevoer is en druk dit plat met die agterkant van ʼn lepel. Strooi die res van die Speckled Eggs bo-oor en druk liggies in die beslag.
- Laat dit afkoel in die yskas vir sowat 30 minute of oornag.
- Sny dit dan in blokkies en geniet.
Kan mens die eiers met iets anders vervang? Ek is baie versigtig om rou eiergele te eet.
Die eiers is dan nog ROU
Rou eiers ?