Nou kan pannekoek sommer voorgereg, hoofgereg én nagereg wees!
Lewer 6 pannekoeke
Bestanddele
- 1 ½ k koekmeel
- 1 t bakpoeier
- 2 e kakao
- ¼ t sout
- 2 k water
- 1 eier
- 1 t asyn
- 1 e olie
- ekstra olie vir braai
Metode
- Sif koekmeel, bakpoeier, en kakao saam en voeg sout by.
- Meng water, eier, asyn en olie saam. Meng die droë bestanddele by die nat bestanddele in en laat die beslag vir 30 minute in die yskas rus.
- Verhit ʼn pan met ʼn bietjie olie in en skep lepelsvol beslag in die pan wanneer dit warm is. Braai die pannekoek aan albei kante tot gaar. Herhaal tot beslag op is.
- Bedien met sjokoladesmeer, aarbeie, room, of enige vulsel van jou keuse.
Resep: Janie Monsieur