Resep: Yskastert met malvalekkers en jogurt

Yskastert met malvalekkers en jogurt (Foto: Verskaf)

Maroela Media-leser Alexander du Randt sê hy het hierdie resep saam met sy ma ontdek toe hulle per ongeluk ʼn bak jogurt met malvalekkers gemeng het.

“Vandaar het ons die resep verder afgerond tot wat ons vandag ‘Die Sondagmiddagtert’ noem.”

Bestanddele

• Tennis-beskuitjies, fyngemaak
• 5 e botter, gesmelt
• 1 kg aarbei-jogurt
• 750g malvalekkers
• 1 pakkie rooi jellie
• vars room
• vars gehalveerde aarbeie vir versiering

Metode

1. Meng fyngemaakte Tennis-beskuitjies met die botter om die kors te vorm. Druk beskuitjies vas in die bak.
2. Meng jogurt en malvalekkers en mikrogolf op hoog vir ongeveer 20 min tot die mengsel glad is.
3. Giet mengsel in bak en laat afkoel. Verkoel in yskas vir sowat 2 uur.
4. Maak die jellie aan en gooi ’n lagie oor afgekoelde tert. Verkoel weer in yskas vir nog ongeveer 3 ure.
5. Sny tert in blokkies en skep varsgeklopte room op elke individuele blokkie. Bedien met aarbeie.

Het jy ’n lekker resep wat jy met ons kan deel? Stuur dit vir ons hier.