Resep: Caesar-slaai-wraps

Caesar-slaai-wraps (Foto: Lapa-uitgewers)

ʼn Heerlike, vinnige en gesonde middagete.

Lewer 4 porsies

Bestanddele

• 16 klein Cos-slaaiblare, in happiegrootte stukkies geskeur
• 60 ml gekapte rooi ui
• 30 ml gerasperde Parmesaankaas
• 60 ml Caesar-slaaisous
• 4 hardgekookte eiers, in skywe gesny
• 2 tamaties, in skywe gesny
• sout en varsgemaalde swartpeper na smaak
• 4 wraps

Metode

1. Meng die slaaiblare, ui, kaas en slaaisous in ʼn bak.
2. Skep die slaaimengsel in die middel van elke wrap.
3. Plaas die eier en tamaties bo-op. Geur na smaak.
4. Draai styf toe en sit dadelik voor. Steek vas met tandestokkie indien nodig.

Bron: Lekker & Vinnig: Lekker wraps

Uitgewer: Lapa