Resep: Geroosterde sampioen-en-aspersieslaai met aarbei-vinaigrette

Foto ter illustrasie. (Foto: Marko Rick/Pexels)

Braaidag (24 September) is om die draai. Dié geroosterde, vegetariese slaai sal sommer ʼn hup in jou volgende braai sit!

Bestanddele

SLAAI

• 100 g gemengde slaaiblare
• 60 g vars aarbeie
• 150 g koning-oestersampioene
• 120 g groen aspersies

VINAIGRETTE

• 60 g vars aarbeie
• 1 lemmetjie, versap
• 2 e olyfolie
• 2 e agawe-nektar of suiker
• 1 e vars basiliekruidblare
• ¼ teelepel sout, of na smaak

Metode

1. SLAAI: Was die slaaiblare en aarbeie en laat dreineer.
2. Sny die sampioene in dik skywe en rooster vir 2-3 minute tot sag.
3. Sny en gooi die onderkant van die aspersies weg en braai dit vir 3-4 minute tot effens sag, maar nog bros.
4. VINAIGRETTE:
5. Maak die aarbeie intussen skoon en sit dit saam met al die ander bestanddele in ʼn voedselverwerker. Meng ʼn paar sekondes tot ʼn dik pienk sous met ʼn romerige tekstuur gemaak word. Geur met sout na smaak.
6. Sit die slaaiblare in ʼn bak en voeg die geroosterde aspersies en sampioene by. Bedruip met die aarbei-vinaigrette en bedek met heel of gesnyde aarbeie.
7. Meng goed deur en sit voor.

Bron: ProVeg International