Soorte resepte:

Resep: Hongaarse soja-ghoelasj

Hongaarse soja-ghoelasj (Foto: Lapa-uitgewers)

Vegetaries en veselryk!

Lewer 4 porsies

Bestanddele

  • 15 ml groenteaftrekselpoeier
  • 500 ml kookwater
  • 100 ml droë rooiwyn of 75 ml water
  • 25 ml bruinasyn
  • 150 g droë sojabone
  • 30 ml kanola- of olyfolie
  • 1 middelslag ui, geskil en gekap
  • 2 knoffelhuisies, gekap
  • 250 g knopiesampioene, afgevee en in kwarte gesny
  • 1 middelslag groen soetrissie, ontpit en in repies gesny
  • 400 g-blik geskilde tamaties in tamatiesap, fyn gekap
  • 15 ml Vital-sojasous
  • 5 ml elk gedroogte gemengde kruie en karwysaad
  • 5-10 ml paprika
  • 5 ml sout en varsgemaalde swartpeper na smaak
  • 5-10 ml mielieblom gemeng met ʼn bietjie koue water

Metode

  1. Meng die aftrekselpoeier, kookwater en wyn en week die sojablokkies 30 tot 45 minute lank daarin. Dreineer en behou die marinade.
  2. Verhit die olie en roerbraai die ui, knoffel, sampioene en soetrissie tot sag. Voeg die sojablokkies by en roerbraai liggies oor matige hitte.
  3. Roer die marinade, tamatie en -sap, sojasous, kruie, karwysaad en paprika by. Bedek en prut vir 25 tot 30 minute oor matige hitte tot gaar.
  4. Roer die mengsel van tyd tot tyd om aanbrand te verhoed en vul met kookwater aan om ʼn souserige mengsel te behou.
  5. Geur met sout en peper. Verdik die sous met mielieblompasta, roer en kook vir 1 tot 2 minute. Bedien dit op klein skulpnoedels of gekookte gort.

Bron: Lekker & Gesond: Veselryk

Uitgewer: Lapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Rudolph ·

Dit is verfrissend van MM om ‘n hoofdis resep te plaas wat dierevriendelik is. Dankie daarvoor

Ellie ·

is dit nou omdat daar nie vleis in die resep is nie?
MM plaas baie sulke disse!
Groetnis

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.