Soorte resepte:

Resep: Afrika-safarisop

Foto: Pixabay.com

12 groot porsies

1 x 410 g-blik gekapte tamaties
1 x 410 g-blik tamatie-en-uiesmoor
1 x 410 g-blik heel pitmielies, gedreineer
1 x 420 g-blik geroomde suikermielies (opsioneel)
1 x 400 g-blik keker-ertjies, gedreineer
1 x 400 g-blik gemengde bone, gedreineer
15 ml (1 e) gedroogde origanum
10 ml (2 t) gedroogde gemengde kruie
1 liter (4 k) hoenderaftreksel
‘n paar druppels Worcestersous
15 ml (1 e) gedroogde of vars pietersielie
1 x 400 g-blik klappermelk of 250 ml (1 k) langlewe- of vars room.

Metode:
1. Meng al die bestanddele, behalwe die klappermelk of room, in ‘n groot kastrol en verhit dit oor lae hitte tot kookpunt.
2. Verlaag die hitte en prut stadig vir 2 minute. Roer gereeld.
3. Voeg die klappermelk of room by en voeg ‘n bietjie water by indien sop te dik is.

Geur na smaak en sit dit warm voor.

Oorspronklik gepubliseer in Spogresepte
Uitgewer: Lapa
Prys: R225,00*
* Prys onderhewig aan verandering

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.