ʼn Ou gunsteling vir ʼn koue wintersdag.
Lewer 4 porsies
Bestanddele
- 500 ml (2 k) bruismeel
- 5 ml (1 t) mosterdpoeier
- knippie rooipeper
- 2,5 ml (½ t) sout
- 250 ml (1 k) Clover-mozzarellakaas, gerasper
- 250 ml (1 k) Clover Amasi
- 312 ml (1¼ k) Clover-volroommelk
- 100 g (1/5 blok) Clover Mooirivier-botter, gesmelt
- genoeg Clover Mooirivier-botter vir smeer
- 2 uie, fyn gekap
- 600 g beesvleis-boerewors
- handvol vars pietersielie, fyn gekap
Metode
- Voorverhit die oond tot 180 °C.
- Sif die bruismeel, mosterdpoeier, rooipeper en sout saam in ’n groot genoeg mengbak.
- Roer die mozzarellakaas daarby in en roer tot die kaas goed met meel bedek is.
- Roer die Amasi en melk tot goed gemeng. Roer die gesmelte botter daarby.
- Meng die melkmengsel by die meelmengsel tot ’n deeg.
- Skep die deeg in ’n oondvaste bak met ’n deursnee van 22 cm wat met botter gesmeer is.
- Smelt genoeg botter en soteer uie in botter tot sag.
- Voeg die boerewors by en soteer vir 7 minute tot verbruin buiteom. Die wors hoef nie gaar te wees nie.
- Sprinkel pietersielie bo-oor en roer deur.
- Druk die uie en wors halfpad in die deeg.
- Bak vir 35 tot 40 minute of tot liggoudbruin bo-op.
- Sit warm voor.
Bron: Trooskos
Uitgewers: Lapa