Byt & Buskruit is terug met ʼn tweede seisoen: Kom kyk gratis saam! Loer solank na hierdie lekker resep uit reeks 2.
Bestanddele
- 1 x 250 g gedroogde vrugte
- 100 ml brandewyn
- 1 x 300 g koedoefilet
- Veld tot Vurk- speserye
- roosmaryn vir garnering
Metode:
- Gooi die gedroogte vrugte in pan en flambé dit in die brandewyn. Laat vir so 2 minute prut.
- Sny die filet in die helfte deur. Vul die filet met gedroogte vrugte, gooi matige Veld tot Vurk-speserye oor en maak die filet toe.
- Draai tou om die filet om die gedroogte vrugte binne te hou en te verseker dat niks uitval nie. Gooi Veld tot Vurk-speserye oor. Braai die filet op die vuur. Geniet ’n smullekker filet gevul met vrugtegeure.
Bykos: Paptert vir tien mense
Bestanddele
- 2 pakkies fyngesnyde sampioene
- 2 pakkies fyn spek
- 1 ui fyngekap
- 1 groen soetrissie
- knoffel-en-kruie-speserye
- 1 ℓ room
- 500 ml melk
- 5 pakkies sampioensouspoeier
- mieliepap
- goudakaas
Metode
- Braai sampioene, spek, uit, soetrissie en speserye saam.
- Kook room en melk in ʼn pot saam. Gooi 5 pakkies sampioensous by en roer tot dik.
- Voeg al die gebraaide bestanddele by die vloeistof.
- Maak genoeg sagte pap aan vir twee lae.
- Skep een laag mieliepap in ʼn bak en een laag van die sampioen-engsel. Gooi goudakaas oor die mengsel. Herhaal proses en bak tot kaas goudbruin is.