Resep: Geurige herderspastei

Geurige herderspastei (Foto: Lapa-uitgewers)

Hierdie herderspastei kry ʼn botterskorsiebolaag wat dit ʼn laerkoolhidraatopsie maak.

Lewer 6 porsies

Bestanddele

MAALVLEISMENGSEL

  • 15 ml kanolaolie
  • 1 ui, gekap
  • 2 ml gekapte knoffel
  • 500 g laevetmaalvleis
  • 7,5 ml fyn koljander
  • 7,5 ml komyn
  • 2,5 brandrissievlokkies
  • 5 ml droë oreganum
  • 5 ml sout
  • 410 g (1 blik) tamaties
  • 15 ml tamatiepasta

BOTTERSKORSIEBOLAAG

  • 900 g botterskorsies
  • 80 ml vars lemoensap
  • 60 ml vars gekapte koljander
  • 2,5 ml sout

Metode

  1. Voorverhit die oond tot 180 ° Smeer ʼn oondvaste bak liggies met olie.
  2. Verhit die olie in ʼn kastrol en braai die ui en knoffel tot sag.
  3. Voeg die maalvleis by en braai tot bruin.
  4. Voeg die koljander, komyn, brandrissievlokkies, oreganum en sout by.
  5. Voeg die geblikte tamaties en tamatiepasta by, bedek en laat prut 45 minute.

BOTTERSKORSIEBOLAAG

  1. Kook botterskorsie 20 minute tot sag. Maak die botterskorsie fyn en voeg die lemoensap, koljander en sout by.
  2. Plaas die maalvleismengsel in die oondvaste bak en skep die bolaagmengsel bo-op.
  3. Bak 10 minute in die oond totdat die bolaag effe verbruin het.

Variasie: Vervang die helfte van die botterskorsie met patat. Koolhidrate sal dan wel verhoog.

Bron: Slim Laekoolhidraat-geregte deur Martie Hofmeyr en Janet Wiegand

Uitgewer: Lapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae