Dié kerriehoender verseker ʼn smaaklike begin van die nuwe jaar!
Lewer 6 porsies
Bestanddele:
- klont botter
- 2 uie, gekap
- 2 knoffelhuisies, gekneus
- 8 hoenderborsies, in blokkies gesny
- knypie sout en varsgemaalde swartpeper
- 7,5 ml (1 ½ t) kerriepoeier
- 7,5 ml (1 ½ t) tandoori masala
- 5 ml (1 t) garam masala
- 65 g (1 blikkie) tamatiepasta
- 400 g (1 blik) klappermelk
- 5 heel kardemomsade
- 250 ml (1 k) natuurlike jogurt
Metode:
- Smelt botter in braaipan en soteer uie en knoffel daarin tot sag.
- Voeg hoenderborsies by en braai tot gaar.
- Geur met sout en peper. Plaas hoendermengsel in prutpot.
- Meng kerriepoeier, tandoori masala, garam masala en tamatiepasta tot glad. Voeg bietjie van die klappermelk by en roer tot glad.
- Roer kerriemengsel by oorblywende klappermelk tot glad.
- Voeg kerriemengsel en kardemomsade by hoender in prutpot. Kook vir 5 uur oor hoë hitte.
- Verwyder kardemomsade. Roer jogurt by. Kook vir nog 1 uur oor hoe hitte. Vinnig
Bron: Vinnig en maklik: Resepte uit Vrouekeur 3
Uitgewer: Lapa
MM, Is die kooktyd reg? 6 ure vir hoender fillete (borsies) in blokkies gesny?
LOL @ kooktyd. Soms lyk julle resepte lekker maar daar is geen manier om dit te druk of kopieër nie. Regtig nie baie slim nie, of wat mis ek?