Die perfekte ontbyt of ligte aandete.
Lewer 4 porsies
Bestanddele
- 8 groot eiers
- 60 ml water
- 30 ml koekmeel of mielieblom
- 2,5 ml sout
- 20 ml kanola-olie
- 30 ml gerasperde mozzarellakaas
- 100 g dungesnyde ham
- 4 handevol jong spinasieblare
Metode
- Meng die eiers, water, meel of mielieblom en sout in ’n bak en klits tot die meel of mielieblom opgelos het.
- Verhit 5 ml van die olie in ’n pan. Voeg 125 ml van die eiermengsel by en kantel die pan heen en weer om die hele bodem met ’n dun lagie te bedek. Bak vir 3-6 minute of tot die wrap heeltemal gestol is aan die kante en onderkant. Draai dit om met ’n eierspaan.
- Sprinkel onmiddellik 80 ml van die kaas oor en bak tot die tweede kant gestol is, omtrent 1 minuut.
- Laat gly die wrap uit die pan op ’n snybord (die kaas sal dalk nog nie heeltemal gesmelt wees nie). Terwyl dit steeds warm is, rangskik ʼn enkellaag ham op die kaas en ’n handvol spinasie in die middel van die wrap. Draai dit styf toe en halveer voor bediening.
Herhaal met die res van die bestanddele.
Bron: Lekker en vinnig: Lekker wraps
Uitgewer: Lapa
Ham-en-kaas-eier-pakkies ….. Dis mos nou Afrikaans!
(Wraps = kospakkies.)