Die resep is maklik om voor te berei en ʼn heerlike manier om op Vadersdag tyd saam met pa langs die vuur deur te bring.
Lewer 6 porsies
Bestanddele:
- 15 ml botter
- 15 ml olie
- 2 uie, gesny
- 30 ml kerriepoeier
- 12 hoenderporsies
- 20 ml asyn
- 5 ml fyn kaneel
- 2 ml fyn droë gemmer
- 10 ml sout
- 50 ml bruinsuiker
- 2 knoffelhuisies, gepers
- 18 klein aartappels, geskrop
- 1 pak (250 g) droëperskes
- 20 ml hoenderaftrekselpoeier, opgelos in 250 ml kookwater
Metode:
- Maak die botter en olie in die potjie warm en soteer die uie daarin. Roer die kerriepoeier by en braai dit effens.
- Skep die uie uit en braai die hoenderporsles bruin.
- Skep die uie terug en gooi die geurmiddels by. Rangskik die aartappels en droëperskes bo-op en gooi die aftreksel oor.
- Sit die deksel op en laat dit omtrent 1½ uur lank oor stadige kole prut.
Potjiekosgeheim: Pak alles in lae en moenie deurmekaar roer tydens die gaarmaakproses nie. Potjiekos moet stadig oor matige hitte gaar word en kan met enige soort groente van jou keuse gemaak word.
Bron: Nie vir Ma’s nie
Uitgewer: Lapa
Klink lekker. Enige tyd kerrie vir my.
Ek sien onder aan die resep staan; “Nie vir ma’s nie.”
Hoekom nie??? Maak die kos daarin dalk die mammies vet???
Die resepteboek waaruit die resep kom se naam is “Nie vir Ma’s nie”
Vir die mense wat nie van kerrie hou nie, kan jy die kerrie-speserye vervang met BARBEQUE SPICE. Dit smaak steeds heerlik sonder die skop.
Baie mense hou nie van kerrie nie of kan nie kerrie eet nie.. Die resep werk ook lekker met braaikruie (barbeque spice) vir ‘n heerlike “braai”-hoender.