Soorte resepte:

Resep: Kerriemaalvleis-en-blaarslaaibredie

Kerriemaalvleis-en-blaarslaaibredie (Foto: Lapa-uitgewers)

Kerriemaalvleis is altyd ʼn goeie idee.

Lewer 6 porsies

Bestanddele

  • 10 ml olie
  • 2 uie, gerasper
  • 1 knoffelhuisie, gekneus
  • 600 g beesmaalvleis
  • 10 ml matige kerriepoeier
  • 10 ml fyn koljander
  • 5 ml borrie
  • 2,5 ml fyn gemmer
  • 2 groen soetrissies, ontpit en in blokkies gesny
  • 1 klein blaarslaaikop, gekerf
  • sout en suurlemoenpeper na smaak

Metode

  1. Verhit die olie in ’n diep pan of kastrol en soteer die uie en knoffel tot sag.
  2. Voeg die vleis by en braai tot bruin. Voeg die speserye en soetrissies by en prut 5 minute.
  3. Voeg die blaarslaai by en laat prut nog 10-15 minute of tot die vleis gaar is.
  4. Geur na smaak met sout en suurlemoenpeper en sit voor met stampmielies of bruinrys en ’n slaai.

Bron: Lekker & vinnig: Kerries. Uit: Eenpotgeregte deur An du Plessis

Uitgewer: Lapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

1 Kommentaar

jongste oudste gewildste
Voorstel

Ipv slaai dalk fyn gesnipperde wit of rooikool?