Soorte resepte:

Resep: Marokkaanse varksosaties

Marokkaanse varksosaties (Foto: Lapa-uitgewers)

Braai hierdie sosaties oor die kole en bedien dit met ʼn tzatziki-doopsous.

Lewer 4 porsies

Bestanddele

  • 60 ml lemoensap
  • 15 ml tamatiepasta
  • 1 knoffelhuisie, fyngekap
  • 15 ml fyn komyn
  • 1 ml fyn kaneel
  • 60 ml olyfolie
  • 7 ml sout
  • 5 ml varsgemaalde swartpeper
  • 700 g varkfilet, in 3 cm-blokkies gesny
  • 1 klein eiervrug, ongeskil in 3 cm-blokkies gesny
  • 1 klein rooi ui, in 8 wiggies gesny
  • 8 sosatiestokkies vir 1 uur in water geweek
  • 1 x 190 g-bakkie klaargemaakte tzatziki (opsioneel)

Metode

  1. Meng die lemoensap, tamatiepasta, knoffel, komyn, kaneel, 30 ml olie, 5 ml sout en 2 ml peper saam in ʼn groot marinadebak.
  2. Giet die marinade oor die vleisblokkies en meng deur sodat die vleis goed bedek is. Bedek die bak en laat vir ten minste 1 uur in die yskas rus.
  3. Meng die eiervrug en ui met die oorblywende olie, sout en peper.
  4. Ryg die vleisblokkies en groente om die beurt op die sosatiestokkies en braai dit vir 20-30 minute oor matige kole. Draai die sosaties gereeld.
  5. Bedien dadelik saam met die tzatziki.

Bron: Lekker & Vinnig: Sosaties

Uitgewer: Lapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

2 Kommentare

jongste oudste gewildste
Eend Bessinger

Ek weet baie mense hou nie van varkvleis nie. Vervang dit met beesvleis of skaapvleis.

Vrijburger

Mmm ek wonder oor hierdie resep. Marokko is ‘n Moslem land met sosaties van varkvleis?