Kikker jou volgende braaikuier met dié interessante sosaties op.
Lewer 4 porsies
Bestanddele
- 1 pynappel, geskil en in skywe van 1 cm dik gesny
- 1 jalapeño-brandrissie, ontpit en fyngekap
- 250 ml gekapte vars koljanderblare
- 15 ml vars suurlemoensap
- 2 ml sout
- 2 ml varsgemaalde swartpeper
- 30 ml olyfolie
- 45 ml brandrissiepoeier
- 800 g varkfilet, in 2,5 cm-blokkies gesny
- 4-6 sosatiestokkies, vir 1 uur in water geweek
Metode
- Braai die pynappelskywe vir 2 minute aan ’n kant. Sny die pynappelskywe in blokkies, maar gooi die harde kern van elke skyfie weg.
- Meng die pynappel, rissie, koljanderblare, suurlemoensap, 1 ml sout, swartpeper en 15 ml olyfolie saam en hou eenkant.
- Meng die brandrissiepoeier, oorblywende sout en olie saam.
- Voeg dit by die vleisblokkies en meng deur sodat die vleis goed bedek is.
- Ryg die vleisblokkies op die sosatiestokkies en braai die sosaties vir ongeveer 15 minute. Draai die sosaties elke 2 minute tot die vleis gaar is.
- Bedien dadelik saam met die pynappelsalsa.
Bron: Sosaties
Uitgewer: Lapa