Soorte resepte:

Resep: Riboog-espatada

Riboog-espatada (Foto: Byt & Buskruit)

Byt & Buskruit is terug met ʼn tweede seisoen: Kom kyk gratis saam!

Bestanddele:

  • 1 kg riboog-biefstuk
  • kersietamaties
  • 1 ui
  • vars koljander
  • olyfolie
  • sout & peper

Metode:

  1. Sny die vleis in lekker groot stukke.
  2. Ryg afwisselend die vleis, tamatie, stukkies uie en vars koljander op ʼn stuk bloudraad.
  3. Gooi bietjie olyfolie oor.
  4. Geur met varsgemaalde sout en peper.
  5. Hang hom oor ʼn lekker warm vuur tot gaar, en smeer kort-kort met ʼn lekker sous van jou keuse.

Bykos: Mosterdsous

Bestanddele:

  • 125 ml suiker
  • 5 ml sout
  • 2 ml droë mosterd
  • 25 ml koekmeel
  • 1 k water
  • 250 ml mayonnaise
  • 125 ml witasyn
  • 250 ml olie
  • 1 suurlemoen se sap
  • 1 e heelkorrel-dijonmosterd

Metode:

  1. Meg al die bestanddele saam om ʼn sous te vorm.

Sit voor saam met tong:

  1. Kook die tong gaar in ʼn stoompot vir so 45 minute.
  2. Laat die tong afkoel, en haal dan die vel af.
  3. Pak lae van die tong afgewissel met sous in ʼn potjie of bakpan.
  4. Sit dit oor die vuur of in ʼn bakpan.

Bron: Byt & Buskruit

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae