Soorte resepte:

[Resep] Susan se wildspastei

Die wildspastei (Foto: Susan Lombaard)

Maroela Media se uitvoerende hoof, Susan Lombaard, het Vrydag in haar redakteursbrief oor dié wildspastei geskryf. Sy het dit op Ina Paarman se webwerf gekry om vir háár familie te maak. Bak dit vir jou familie om daardie goedvoel-gevoel te kry waaroor Susan skryf.

Bestanddele

  • 1,5-2 kg wildsvleis
  • 1 k karringmelk
  • 1-2 lamskenkels
  • 2 e kanola-olie
  • Ina Paarman Garlic & Herb-speserye
  • 4 k water
  • 2½ e Ina Paarman-groenteaftrekselpoeier
  • 1 ui, gekap
  • 10 heel naeltjies
  • 2 lourierblare
  • 1 t gemaalde koljander
  • 1 e Ina Paarman-seesout

Sous

  • 2 uie, gekap
  • ½ t Ina Paarman Green Onion-speserye
  • 2 e kanola-olie
  • 1 k rooiwyn
  • ½ k wynasyn
  • 1 x 200 ml Ina Paarman Ready to Serve-pepersous
  • 1 ui met 4 heel naeltjies in gedruk
  • 400 g skilferdeeg
  • ½ eier, geklits

Metode

  1. Verwyder die taai membrane van die vleis.
  2. Gooi karringmelk oor die wildsvleis en marineer vir 1-2 dae in die yskas.
  3. Maak die vleis droog op kombuispapier en gooi die karringmelk uit.
  4. Braai die lamskenkels in olie. Verwyder en geur met Garlic & Herb-speserye. Laat eenkant staan.
  5. Braai die wildsvleis in dieselfde kastrol, haal dan af en geur.
  6. Voeg die res van die bestanddele in die kastrol en bring tot kookpunt.
  7. Voeg die gebraaide vleis by en sit die deksel op. Laat dit liggies prut tot die vleis sag is en van die been begin afval (3-4 uur). Laat dit nou afkoel, haal vleis van been af en verwyder die bene – hou dit vir sous.

Sous

  1. Soteer die uie voor jy dit met Green Onion-speserye en olie geur.
  2. Voeg wyn en asyn by en kook by hoë hitte totdat net sowat ½ k vloeistof oorbly.
  3. Voeg die sous van die vleisbene en pepersous by. Indien daar minder as 2½-3 k sous is, gooi meer water by. Proe en pas die geur aan volgens smaak.
  4. Voeg die vleis by.
  5. Skep die vulsel in ʼn groot pasteibak. Druk die ui met naeltjies in die middel van die dis in om die deeg te ondersteun.
  6. Bedek met ʼn laag deeg, verf met eier, versier met deegpatrone en verf weer met eier.
  7. Bak vir 45 minute teen 200 °C.

Wenk

  1. Die pastei kan bevries word nadat dit met eier geverf is. ʼn Bevrore pastei moet ontdooi word met kleefpapier om die pastei sodat die vog nie ontsnap nie. Bak dit vir 10 minute langer as die pastei nog koud is wanneer dit in die oond geplaas word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Marisa ·

Nie Susan se wildspastei nie – Ina Paarman se wildspastei. Nietemin, dit lyk absoluut heerlik, soos al Ina se resepte altyd is.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.