Resep-video: Biltongtert

Biltongtert (Foto: Janie Monsieur/Maroela Media)

Dié resep is doodmaklik en ʼn heerlike happie as die honger knaag.

Lewer sowat 20 blokkies

Bestanddele

• ½ rol broskorsdeeg
• 2 eiers
• 1 k room
• 2 k gekerfde biltong
• 1 k gerasperde kaas

Metode

1. Rol die broskorsdeeg (puff pastry) effens dunner. Druk dit teen die kante van die bak vas en effens boontoe todat dit ʼn rand vorm. Steek gaatjies met ʼn vurk in.
2. In ʼn aparte bak, klits eiers en room saam.
3. Pak biltong bo-op deeg, sprinkel kaas oor en druip eiermengsel bo-oor.
4. Bak 45 minute by 180 ° Laat afkoel en sny in blokkies.