Resep-video: Maklike eenbakpasta

Maklike eenbakpasta (Foto: Janie Monsieur/Maroela Media)

Hierdie resep kan maklik verdubbel word of aangepas word met jou gunstelingbestanddele. Die pasta kook heerlik sag en die geure smelt saam.

Lewer 4 porsies

Bestanddele

• 200 g (1 pakkie) spek, effens gaargemaak en in stukkies gesny
• 2 k babaspinasieblare
• ½ pakkie sampioene, opgesny
• ½ k kaas plus ekstra vir bo-op
• 500 ml (2 k) kookwater
• 410 g (1 blik) tamatiepuree
• ½ k melk
• 250 g droë pasta van jou keuse
• oreganum na smaak
• knoffel na smaak
• sout en peper na smaak

Metode

1. Meng al die bestanddele saam in ʼn groot bak.
2. Bedek die oondbak met aluminiumfoelie en bak vir 30 minute teen 180 ° Haal die foelie af en strooi ekstra kaas oor en bak tot kaas gesmelt is. Bedien warm.

Resep: Janie Monsieur