Ontbytbroodjies (Foto: Elsabé Erasmus/Maroela Media)
Hierdie ontbytbroodjies is die perfekte dis om te bedien wanneer ’n klomp monde gevoer moet word.
Bestanddele
- 1 witbrood, klaar in snye gesny
- botter, vir smeer
- tamatiesous
- 150 g gesnyde ham
- 5 eiers
- 1 k volroommelk
- 1 k room
- sout en peper, na smaak
- 1 k kaas, gerasper
Metode
- Voorverhit die oond tot 180 °C.
- Spuit ’n oondbak met kossproei.
- Maak toebroodjies met die botter, tamatiesous en ham op.
- Sny die toebroodjies diagonaal in 4 driehoekies en pak dit in die voorbereide oondbak.
- Meng die eiers, melk en room met mekaar en voeg die sout en peper by die mengsel.
- Gooi die eiermengsel oor die broodjies en sprinkel die kaas bo-oor.
- Bak dit in die oond vir sowat 30-35 minute of tot die eiermengsel begin stol en die kaas gesmelt het.
- Bedien warm.
