Spek-en-groentetert (Foto: Janie Monsieur/Maroela Media)
Maklik en propvol nutriënte!
Bestanddele
- 1 pak (200 g) spek, in stukkies gesny
- 1 ui, fyngekap
- 1 t knoffel
- 125 g (½ pakkie) sampioene, opgesny
- 150 g (sowat 4) murgpampoentjies, gerasper
- ½ soetrissie, in blokkies gesny
- 125 g (sowat 4) wortels, gerasper
- 125 g groenboontjies, in stukkies gesny
- 1 k kaas, gerasper
- 80 g koekmeel
- 1 t bakpoeier
- ½ k ongegeurde jogurt
- 1 t knoffelpoeier
- 1 t Italiaanse kruie
- sout en peper na smaak
- 3 eiers
Metode
- Braai spek, uie en knoffel saam.
- Voeg sampioene, murgpampoentjies, soetrissie, ertjies en wortels by in ʼn groot oondbak.
- Meng die helfte van die kaas, die meel, bakpoeier, jogurt en geurmiddels by.
- Klits die eiers en meng goed. Sprinkel die res van die kaas bo-oor.
- Bak vir 30 minute teen 180 °C.
Resep: Janie Monsieur
Nou wanneer gebruik jy die ander helfte wat jy oorgelos het dan? Van die meelmengsel bedoel ek?
Dagsê mynie
Helfte van die kaas moet opsy gesit word om dit bo-oor te sprinkel, nie die hele meelmengsel nie. Ons vra om verskoning vir die verwarring. Die artikel is reeds gewysig.
Dankie! Groetnis
Megan
nms Maroela Media