ʼn Nuwe manier om ʼn wrap te vou!
Jy kan hierdie voupakkie met enige vulsel van jou keuse maak. Hierdie een is gemaak met spek, mayonnaise, avokado en kaas.
Lewer 1 voupakkie
Bestanddele
- 1 groot wrap
- 2 repies spek, gaargemaak
- 1 t mayonnaise
- ¼ avokado, in repies gesny
- kaas, gerasper of in dun skywe gesny
Metode
- Sny ʼn lyn van die middel van die wrap tot die rand, sodat as jy dit opvou, dit ʼn driehoek-vorm skep.
- Verdeel die wrap in vier kwarte en pak ʼn bestanddeel in elke kwart. Vou die kwarte een bo oor die ander op (sien video).
- Braai in ʼn plat toebroodjiemasjien tot die kaas gesmelt is.
Ek het gevind as jy hom sny “lek” hy onder uit…nou pak ek dit ook in kwarte en vou dan so. Sodoende “lek” al die lekkerte nie onder uit nie…
Dis nou ‘n een-pas-almal happie!