Argieffoto (Foto: Christian Abella / Pixabay)
Die onderwerp van vertraagde koordklemming is in talle studies nagevors en bespreek. Die belangrikste oorweging tydens die bevalling is die gesondheid van die moeder en baba.
Daar is getoon dat vertraagde koordklemming voordelig is vir die baba wanneer ouers oorweeg om die koordbloed te bank. Dié aanvaarbare praktyk word aangemoedig.
Onlangse studies het getoon dat vertraagde koordklemming ʼn verhoogde hoeveelheid rooibloedsel-ophoping by pasgeborenes toon, en sodoende die risiko van ystertekortanemie later in die baba se lewe verminder. Dit is spesifiek belangrik by vroeggebore babas en diegene wat die risiko van bloedarmoede het.
By babas wat baie vroeg gebore word (22 weke – 28 weke), het vertraagde koordklemming vir 30 sekondes of meer gelei tot verhoogde oorlewing en ʼn verlaagde risiko vir ernstige neurologiese besering. In verdere studies het vertraagde koordklemming ook ‘n verbetering in fynmotoriese en sosiale vaardighede by kinders op vierjarige ouderdom getoon, in vergelyking met kinders van dieselfde ouderdom wat geen koordklemming by geboorte gehad het nie.
Daar is egter ‘n klein risiko van verhoogde hiperbilirubinemie/geelsug (as gevolg van die bykomende rooibloedselle wat tydens vertraagde koordklemming toegedien word) by sommige babas ná vertraagde koordklemming. Na raming ontwikkel 50% van termynbabas en 80% van vroeggebore babas geelsug.
Die uitstel van koordklem vir een minuut of meer het gelei tot slegs ʼn 6% – 21%-afname in die totale volume koordbloed wat versamel is en ʼn 9% – 31%-afname in die voorafverwerkte totale kernsel. Daar word beraam dat ongeveer 60% van vertraagde koordklemming-versamelings steeds aan die boonste vlak voldoen vir die aantal totale kernstamselle.
ʼn Langdurige vertraging sal egter die bloed in die koord laat stol, en die geleentheid om die bloed vir stamselle te versamel sal verlore gaan. As die klem dus vertraag word, word dit aanbeveel om dit nie meer as twee minute lank uit te stel nie.
Watter groot mites bestaan met betrekking tot die optimale klemtyd?
Mite: As jy nie vertraagde koordklemming doen nie, beroof jy die baba van 30% van sy bloed.
Feit: Wanneer die naelstring kort ná geboorte vasgeklem word, is die baba se bloedvolume dieselfde as sy volume in utero (in die baarmoeder).
Mite: Hoe langer jy wag om die koord vas te klem, hoe meer bloed kry die baba.
Feit: Die voortgesette oortapping van naelstringbloed wanneer die vasklemming in normale geboorte vertraag word, is afhanklik van sametrekkings van die baarmoeder; die naelslagare sluit ongeveer 45 sekondes ná geboorte en die naelstringaar in 1 tot 2 minute. Vir keisersneë neem die bloedvolume by babas toe tot 40 sekondes en daal eintlik daarna.
Mite: Die uitstel van die vasklem van die koord bevestig die voordele wat deur navorsers waargeneem word.
Feit: Faktore wat die oortapping van bykomende bloedselle beïnvloed, sluit in die tydsberekening van koordklemming, swaartekrag, die aanvang van asemhaling, uteriene sametrekkings en medikasie wat dit beïnvloed, moederlike bloeddruk en geboorteversmoring.
Sonder om die een bo die ander te bevoordeel, kan ouers koordklemming uitstel en die stamselle van die naelstringbloed red, en hul het die bykomende voordeel dat hulle ook koordweefsel en ook plasentale weefsel stoor. Koordweefsel en plasentale weefsel is albei waardevolle bronne van stamselle wat uiters belangrik is in regeneratiewe medisyne.
- CryoSave verstaan dat ouers onder finansiële druk verkeer. CryoSave bied daarom buigsame prys-opsies aan wat ouers se behoeftes bevredig. Ouers kan CryoSave gerus kontak vir ʼn verpersoonlikte kwotasie. Vir meer inligting, besoek Cryosave se webwerf
Verwysings:
- Arthur, R. (2021). ‘We are on track for a watershed year for approvals of new regenerative medicine and advanced therapies’. Retrieved 10 November 2021, from https://www.biopharma-reporter.com/Article/2021/09/01/We-are-on-track-for-a-watershed-year-for-approvals-of-new-regenerative-medicine-and-advanced-therapies
- Ntege EH, et al. Advances in regenerative therapy: A review of the literature and future directions. Regen Ther. 2020 Jun; 14: 136–153.
