Daar is ‘n direkte verband tussen ʼn ongesonde spysverteringstelsel en velprobleme soos aknee en inflammasie. (Foto: Kjersten Michaela/Pixabay)
Hippokrates, die vader van Westerse medisyne, het destyds gesê dat alle siektes in die spysverteringstelsel ontstaan.
ʼn Gesonde spysverteringstelsel is egter nie net belangrik vir jou algehele gesondheid nie, maar beïnvloed óók jou geestesgesondheid en veral jou vel. Dr. Vanessa Lapiner, ʼn dermatoloog en eienaar van die TASH360, ʼn holistiese-velsorgsentrum in Seepunt en stigter van die Root4-velsorgreeks, het met Maroela Media gesels oor die direkte verband tussen ʼn ongesonde spysverteringstelsel en velprobleme soos aknee en inflammasie.
In die eerste episode verduidelik dr. Lapiner die vyf stappe (oftewel die vyf R’e) wat gevolg word om ʼn ongesonde spysverteringstelsel te balanseer en herstel.
