Só lyk die suikervlakke in koeldrank

Het jy al ooit gekyk hoeveel suiker daar in jou gunsteling-koeldrank, -sap of -melkdrankie is?

Ons is dikwels baie gesteld op die hoeveelheid suiker in kos, peuselhappies en sjokolade, maar laat na om te kyk na die suikervlakke in daardie lekker lafenis waarmee ons al te gereeld ons dors les.

Luidens bepalings deur die Amerikaanse hartvereniging moet mans nie meer as 37,9 g (nege teelepels) en vrouens nie meer as 25 g suiker (ses teelepels) bygevoegde suiker per dag inkry nie. Kinders tussen twee en 18 moet minder as ses teelepels bygevoegde suiker per dag inkry.

Bygevoegde suiker verwys na die ekstra suiker of suikerprodukte wat in die meeste geprosesseerde kos, gaskoeldranke, gebak en lekkers voorkom (en natuurlik wat jy in jou koffie of tee gooi). Natuurlike suiker verwys na suiker wat natuurlik in kos soos vrugte en groente voorkom.

Vir optimale gesondheid moet bygevoegde suiker so ver moontlik vermy word, aangesien suiker “leë kalorieë” is wat geen voordeel vir jou gesondheid inhou nie.

Vir ʼn regverdige vergelyking tussen die verskillende drankies het ons gekyk na suiker per 100 g en nie grootte per porsie nie.

Hier is hoeveel suiker daar in jou gunsteling-drinkgoed is:

DrankieHoeveelheid suiker per 100 g
Oros (mango)2,4 g
Vitamin Water3 g
Sprite3,1 g
Iron Brew3,5 g
Sparberry3,6 g
Cream Soda3,7 g
Oros (bessie)3,7 g
Gegeurde water3,9 g
Ystee (perske)3,9 g
Ystee (lemoen)3,9 g
Ystee (bessie)4 g
Oros (lemoen)4 g
Energade4 g
Tropica (mango)7,5 g
Super M (sjokolade)7,8 g
Fanta Orange7,8 g
Milo8 g
Fanta Grape8,4 g
Steri Stumpie (aarbei)9 g
Liqui Fruit (lemoen)9,5 g
Appletizer9,6 g
Steri Stumpi (sjokolade)10 g
Coke10,3 g
Liqui Fruit (lemoen & mango)10,3 g
Monster-energiedrankie10,6 g
Liqui Fruit (bessie)10,8 g
Red Bull10,7 g
Liqui Fruit (appel)10,9 g
Grapetizer12,3 g
Dry Lemon12,8 g

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
WIEBO

Skrikwekkend toe ek nou die berig lees. Nooit besef dit bevat soveel suiker nie. Ek drink seker die afgelope 25 jaar ELKE dag 2 liter Coke. Drink 4 lepels suiker in my koffie so 4 keer per dag. Ek is blakend gesond, en glad nie oorgewig nie.

Wielspore

Ek en my vrou handhaaf nou al ‘n geruime tyd ‘n gesonder eet leefstyl, die voordele daarvan maak dit die moeite werd. Die smaak en volume aanpassing het ‘n tyd geneem en jou liggaam raak dit gewoond, Rome is nie in een dag gebou. Ons ken nou al die voedingwaarde van die meeste produkte op die rak en wat om te vermy, nuwe produkte vereis die lees van die voedingswaarde op die houer. Suiker in ‘n oormaat is baie nadelig, lees wat op die houers staan voordat jy dit gebruik. Dit is ook moontlik om so nou en dan ‘n… Lees meer »

Zettie

Mens het so min “lekker” in die lewe deesdae……..nou is die “lekker” ook ongesond…….

DIS MY SUIKER

Ek wil mos self besluit of ek wil suiker gebruik of nie , Hoekom moet daar vir my besluit word , dis soos die rice krispies wat ook verander is om gesonder te wees , maar die goed is so sleg soos gal en stroop soet oor al die bygevoegde suikers en twak. As ek n Cream soda wil drink dan sal ek dit doen wat is die verskil van n Coke 50 jaar terug en nou ? jare terug was dit nie ongesond nie en nou is dit . Ons leef in n skaap wereld as een dit doen… Lees meer »

Helien

Ek kyk altyd op die produk hoeveel suiker daar is. As dit te veel suiker is los ek die produkt en kyk vir iets anders.