Foto: Verskaf
Met die onlangse bekendstelling van die Hilux Dakar het ek gedink dit is hoe die Hilux nog altyd moes gelyk het. En siedaar – Die SRX- en Raider-modelle kry nou deurgaans die nuwe Dakar-sierrooster.
Die SRX-modelle word verder opgeknap met outo-ligte en ʼn 4-luidpsreker-raakskermklankstelsel met Bluetooth en USB wat voorheen slegs in die Raider-model beskikbaar was. Dié stelsel is nou ook met ʼn truratkamera toegerus. SRX-modelle balanseer die skaal tussen werk en ontspan met 17”-sierwiele.
ʼn Reuse pluspunt vir my is die reikafstandverstelbarestuurkolom. Die SRX gebruik Toyota se 2,4 GD-6 viersilinderturbodieselenjin. Dié enjin bied 110 kW en 400 Nm. Daar is ʼn 6-spoed handrat en 6-spoed outo beskikbaar.
Foto: Verskaf
Die reeksleidende Raider kry ʼn chroom afwerking om die sierrooster. Die hoofligte is LED-tipes en bied puik beligting en dagligte. Die raakskerminligtingstelsel kry navigasie by en DVD video-vermoë. Dié stelsel het ses luidsprekers. Die Raider se binneruim is nou soos met die Dakar heeltemal swart met ʼn swart dakvoering.
Die Raider is meer ʼn onspanningsvoertuig en lyk dus mooier met 18”- sierwiele en outomatiese klimaatbeheer. Die Raider is met sewe lugsakke toegerus. Die Raider gebruik Toyota se 2,8 GD-6 viersilinderturbodieselenjin. Dié enjin bied 130 kW en 450 Nm in outo, 420 Nm in handrat. Albei ratkaste is sesspoed. Daar is steeds ʼn 4,0 V6 beskikbaar met 175 kW en 376 Nm.
Foto: Verskaf
Daar is ʼn paar nutsbakkies bygevoeg oor die drie verskillende bakstyle, enkel, Xtra en dubbelkajuit om hul kliënte beter te dien. Die enkelkajuit kry ʼn 2,4 GD-6 outo SRX en die 2,7VVTi SRX is opgeskort. Die SR wat vloot- en mynkliënte dien met ʼn hoër veiligheidspesifikasie, maar laer toerustingvlak, is uitgebrei met ʼn 2,4 GD-6 handrat 4×2, voorheen slegs beskikbaar in 4×4. Die Xtra-kajuit met outomatiese ratkaste is goed aanvaar deur die mark na sy bekendstelling in 2017, en kry nou ʼn 2,4 GD-6 SRX outo by.
Foto: Verskaf
ʼn Splinternuwe reeks word nou bygevoeg. Die intreevlak S-model is ʼn geen fieterjasies Hilux. Die S kry ʼn PVC binneruim met ʼn “J-deck” laaibak met grendel-tipe agterklap met vraghakke.
Staal wiele en swart buffers tref onderskeid tussen die S en ander Hilux-modelle. Twee enjins is beskikbaar, 2,7VVTi met 122 kW en 245 Nm met ʼn vyfspoed handrat, of 2,4 GD-6 met 110 kW en 400 Nm en ʼn sesspoed handrat. Die dubbelkajuit SRX outo was voorheen slegs in outo beskikbaar, maar nou ook met ʼn handrat.
Die onderstelkajuit word nou weer bekendgestel met drie weergawes. 2,0 VVTi 5-spoed handrat werkperd met lugreëling, 2,4 GD-6 vyfspoed handrat werkperd met lugreëling en 2,4 GD-6 sesspoed handrat SRX 4×4.
Inferno Orange wat met die Dakar-reeks bekendgestel is sal nou deur die bank beskikbaar wees. Die reeks word gedek deur ʼn 3 jaar/ 100 000 km waarborg en ʼn nege dienste/ 90 000 km- diensplan is standaard op alle modelle. Kliënte kan dié diensplanne verleng by die handelaar met aankoop van ʼn nuwe Hilux.
Die reeks lyk nou só:
| Model | Prys |
| Enkelkajuit | |
| Hilux SC 2.0 VVTi 5MT | R 253 200 |
| Hilux SC 2.0 VVTi 5MT A/C | R 261 200 |
| Hilux SC 2.4 GD-6 5MT | R 287 300 |
| Hilux SC 2.4 GD-6 5MT A/C | R 295 300 |
| Hilux SC 2.4 GD-6 RB SR 6MT (Nuut) | R 360 900 |
| Hilux SC 2.4 GD-6 4×4 SR 6MT | R 422 300 |
| Hilux SC 2.4 GD-6 RB SRX 6MT | R 375 500 |
| Hilux SC 2.4 GD-6 RB SRX 6AT (Nuut) | R 391 800 |
| Hilux SC 2.4 GD-6 4×4 SRX 6MT | R 441 600 |
| Hilux SC 2.4 GD-6 4×4 SRX 6AT | R 459 800 |
| Hilux SC 2.8 GD-6 RB RAIDER 6MT | R 443 400 |
| Hilux SC 2.8 GD-6 RB RAIDER 6AT | R 461 600 |
| Hilux SC 2.8 GD-6 4×4 RAIDER 6MT | R 507 300 |
| Hilux SC 2.8 GD-6 4×4 RAIDER 6AT | R 525 800 |
| Model | Prys |
| Xtra-kajuit | |
| Hilux XC 2.4 GD-6 RB SRX 6MT | R 386 700 |
| Hilux XC 2.4 GD-6 RB SRX 6AT (Nuut) | R 403 000 |
| Hilux XC 2.8 GD-6 RB RAIDER 6MT | R 470 800 |
| Hilux XC 2.8 GD-6 RB RAIDER 6AT | R 489 300 |
| Hilux XC 2.8 GD-6 4×4 RAIDER 6MT | R 536 700 |
| Hilux XC 2.8 GD-6 4×4 RAIDER 6AT | R 555 300 |
| Model | Prys |
| Dubbelkajuit | |
| Hilux DC 2.7 VVTi RB “S” 5MT | R 385 100 |
| Hilux DC 2.4 GD-6 RB “S” 6MT (Nuut) | R 407 800 |
| Hilux DC 2.4 GD-6 RB SR 6MT (Nuut) | R 417 500 |
| Hilux DC 2.4 GD-6 4×4 SR 6MT | R 483 400 |
| Hilux DC 2.4 GD-6 RB SRX 6MT | R 432 000 |
| Hilux DC 2.4 GD-6 RB SRX 6AT (Nuut) | R 446 400 |
| Hilux DC 2.4 GD-6 4×4 SRX 6MT | R 503 500 |
| Hilux DC 2.4 GD-6 4×4 SRX 6AT | R 526 900 |
| Hilux DC 2.8 GD-6 RB RAIDER 6MT | R 534 900 |
| Hilux DC 2.8 GD-6 RB RAIDER 6AT | R 553 600 |
| Hilux DC 2.8 GD-6 4×4 RAIDER 6MT | R 601 500 |
| Hilux DC 2.8 GD-6 4×4 RAIDER 6AT | R 621 900 |
| Hilux DC 4.0 V6 4×4 RAIDER 6AT | R 663 800 |
–
| Model | Prys |
| Onderstelkajuit | |
| Hilux SC 2.0 VVTi 5MT A/C (Nuut) | R 250 500 |
| Hilux SC 2.4 GD-6 5MT A/C (Nuut) | R 284 700 |
| Hilux SC 2.4 GD-6 4×4 SRX 6MT (Nuut) | R 407 100 |
Trots om aan die Toyota geloof te behoort, ipv kerk toe gaan, ry ek Sondae bietjie rond in my Fortuner.
Net ‘n gekeurde groepie slaag katkisasie en gaan hemel toe.
Is jy uitverkies?
Ek bly eerder n ateïs, voor ek n Toyota ry.
Net nog een van Toyota se “face lifts”. Beteken ‘n nuwe model is om die draai, koop jy nou sit jy binne ‘n jaar met ‘n “ou” bakkie. Vang die ouens al vir jare met die een om van die laaste paar ontslae te raak.
Al die opheg oor ‘n nuwe grill, truratkamera, bluetooth, USB???
Al hierdie goed is al jare lank die in ander voertuie. Nou in 2018 kom Toyota eers by met dit?? Plaas hulle eerder die bakkie software aanpas dat die hiluxe minder rol. Of laat ek raai Toyota het nog baie ou rekenaar sisteeme wat nie anti rol software upgrades toelaat nie. Komaan Toyota. Die Amaroks het anti roll software en hulle het nie eers ‘n reputasie van rol nie.
Ja, maar die Toyota gaan baie langer hou as die einste VW – dis al wat tel.
Vraagteken dit hang nou net af hoe vinnig jy jou Hilux rol. As jy hom rol help sy betroubaarheid net mooi niks.
@Vraagteken. En jy glo gouself?
Wie wil nou ‘n bakkie ry wat oud is of baie km’s op het? Is jy ook een van daai manne wat glo sy ou Tedelex TV van 10 jaar terug is beter as die nuutste LED TV’s ? As toyota eienaar moet jy al gewoont wees aan stadige voertuig met ‘n baie ou D-4D engin tegnologie.
@TdvM en @Nee wat – blah blah blah, die verkoopsyfers sê alles.
Begin al meer na ‘n ford grill lyk
Ek stem saam, soos die engelsman sal sê “if you can’t beat them, join them”. Groot verbetering.
Daai overdone oorhang neus lyk net slegter hoe meer tupperware hul opplak.
Baie dankbaar ek nie deel van die toyota/bloubul/ng kerk kliek nie…..
Die Toyota gaan baie langer hou maar jy gaan te minste 5 keer geroof word met hom, en hom 5 keer afstaan aan diefstalle.