Volkswagen het in ses kategorieë skoonskip gemaak.
Die webwerf Cars.co.za het Donderdagaand vir die vyfde agtereenvolgende jaar sy Verbruikerstoekenningsgeleentheid by Kyalami in Midrand aangebied.
Die formaat is heel eenvoudig en daar is 13 kategorieë. Daar word drie voertuie per kategorie op die kortlys geplaas. Dié drie word by Gerotek deur ʼn paneel van Suid-Afrika se gewildste motorjoernaliste van alle publikasies en mediums getoets.
Lede van die publiek kry dan ook die geleentheid om hul sê te sê … en siedaar – 13 kategoriewenners en ʼn algehele handelsmerk van die jaar.
Só lyk die kategorieë en hul wenners:
Avontuur-sportnuts (Adventure SUV) – Toyota Fortuner 2.8 GD-6 4×4 auto
Toyota Fortuner 2.8 GD-6 4×4 auto
Begrotingsmotor (Budget Car) – Suzuki Swift 1.2 GLX
Die Suzuki Swift 1.2 GLX
Sakeklas (Business Class) – Volkswagen Arteon 2.0TSI 4Motion R-Line
Die Volkswagen Arteon 2.0TSI 4Motion R-Line
Kompak-gesinsmotor (Compact Family Car) – Volkswagen T-Cross 1.0TSI Highline R-Line
Die Volkswagen T-Cross 1.0TSI Highline R-Line
Kompak-luikrug (Compact Hatch) – Volkswagen Polo 1.0TSI Comfortline auto
Die Volkswagen Polo 1.0TSI Comfortline auto
Lewenstylers (Crossover) – Audi Q3 35 TFSI S-Line
Die Audi Q3 35 TFSI S-Line
Luukse sportnuts (Executive SUV) – BMW X3 xDrive20d M Sport
Die BMW X3 xDrive20d M Sport
Gesinsmotor (Family Car) – Mazda CX-5 2.0 Dynamic auto
Die Mazda CX-5 2.0 Dynamic auto
Prettige luikrug (Fun Hatch) – Volkswagen Polo GTI
Die Volkswagen Polo GTI
Ontspanning-dubbelkajuit (Leisure Double Cab) – Volkswagen Amarok 3.0 V6 TDI Highline 4Motion
Die Volkswagen Amarok (Foto: Volkswagen)
Sportmotor (Performance Car) – Toyota GR Supra
Die Toyota GR Supra
Premium-luikrug (Premium Hatch) – Volkswagen Golf GTI
Die Volkswagen Golf GTI
Premium-sportnuts (Premium SUV) – BMW X5 xDrive30d M Sport
Die BMW X5 xDrive30d M Sport
In die toekennings se vyf jaar lange geskiedenis is Volkswagen die suksesvolste kategoriewenner met 16 kategorieë op sy kerfstok. Dit sluit gisteraand se fantastiese ses kategorieë in.
Volkswagen is ook as Suid-Afrika se algehele handelsmerk van die jaar aangewys. Suzuki en Toyota het albei al twee keer met dié toekenning weggery.
Volkswagen se Amarok en Toyota se Fortuner het elk nou al drie agtereenvolgende keer in hul kategorieë gewen. Suzuki het in die begrotingsmotor-kategorie al ʼn verstommende vier keer met verskeie van sy Swift-modelle gewen.
In vyf van die kategorieë het die beoordelaars se gunsteling nié gewen nie weens die publiek se stem.
Ons het vandag eienaarskap van ‘n VW TCross geneem, wat ‘n puik motor, na my mening het VW hier ‘n wenner veral as die Trendline model wat minder as R300K kos, bekend gestel gaan word.
Is hierdie prysuitdeling uit ‘n VW vertoon lokaal gedoen? Hierdie lys maak glad nie sin nie. Die Arteon verkoop so sleg hulle is af na net een model wat hulle aanbied. Gaan waarskynlik uit produksie gehaal word. Die Amarok verkoop maar slegs 10% van die totale verkoopsyfer as jy hom met die Ranger en Hilux vergelyk. Nou hoe kan iemand vir iets stem wat glad nie verkoop nie? In my opinie maak Kia en Hyundai veel beter motors en gee meer waarde vir jou geld. Is al 7 jaar deel van die Koreaanse familie en sal verby al hierdie voertuie loop (behalwe die Mazda) en weer Kia of Hyundai koop.
Ek sien Ford verskyn nerens. Ek is egter heel tevrede met my Ford items , dankie